ଭୁବନେଶ୍ୱର:ଖରା ଛୁଟିରେ ଛାତ୍ରଛାତ୍ରୀଙ୍କୁ ମିଳିବ ଆଇରନ୍ ଓ ଫଲିକ୍ ଏସିଡ୍ ବଟିକା । ଜୁନ୍ ୧୬ ତାରିଖ ଯାଏଁ ଘରକୁ ଘର ଯାଇ ଟାବଲେଟ୍ ବଣ୍ଟାଯିବ । ଏନେଇ ବିଦ୍ୟାଳୟ ଓ ଗଣ ଶିକ୍ଷା ବିଭାଗ ତରଫରୁ ଶିକ୍ଷକମାନଙ୍କୁ ନିର୍ଦ୍ଦେଶ ଦିଆଯାଇଛି । ଅମ୍ଳଜାନ କାର୍ଯ୍ୟକ୍ରମ ଜରିଆରେ ଆନେମିଆ ମୁକ୍ତ ଓଡ଼ିଶା ଲକ୍ଷ୍ୟ ରଖାଯାଇଛି ।
ସୂଚନା ଅନୁସାରେ ଛାତ୍ରଛାତ୍ରୀଙ୍କ ପିଛା ୮ଟି IFA ଟାବଲେଟ୍ ଦିଆଯିବ । ପିଙ୍କ ଟାବଲେଟ୍ ପ୍ରଥମରୁ ପଞ୍ଚମ ଓ ବ୍ଲୁ ଟ୍ୟାବଲେଟ୍ ଷଷ୍ଠରୁ ଦ୍ୱାଦଶ ଛାତ୍ରଛାତ୍ରୀଙ୍କୁ ଦିଆଯିବ । ଏକ୍ସପାଏରି ଡେଟ୍ ଯାଞ୍ଚ ହେବା ଟ୍ୟାବଲେଟ୍ ଦିଆଯିବ ଏହାସହ ଛାତ୍ରଛାତ୍ରୀ ମାନେ ଅଭିବାବକଙ୍କ ଉପସ୍ଥିତିରେ ଖାଇବେ ଟ୍ୟାବଲେଟ୍ । ସେହିପରି ଏକ୍ସପାରି ଟ୍ୟାବେଲେଟକୁ ନବାଣ୍ଟି ସ୍ୱାସ୍ଥ୍ୟ ବିଭାଗକୁ ଫେରସ୍ତ କରିବା ପାଇଁ ନିର୍ଦ୍ଦେଶ ଦିଆଯାଇଛି । ପ୍ରତ୍ୟେକ ଛାତ୍ରଛାତ୍ରୀ ସୋମବାର ଦିନ ଗୋଟିଏ IFA ଟ୍ୟାବଲେଟ ଖାଇବେ । ଏ ସମସ୍ତ ପ୍ରକ୍ରିୟା ଭିବାବକଙ୍କ ଉପସ୍ଥିତିରେ କରାଯିବ ଏବଂ ଆବଶ୍ୟକସ୍ଥଳେ ସ୍କୁଲ SMC ଏହାର ତଦାରଖ କରିବ ।